کراچی: ملک میں امریکی ڈالر کی قیمت میں اضافے کے بعد ڈالر کی قیمت ایک بار پھر 200 روپے سے زائد ہوگئی، امریکی ڈالر 200 روپے 06 پیسے پر بند ہوا۔
تفصیلات کے مطابق ہفتے کے پہلے کاروباری روز سوموار کو انٹر بینک مارکیٹ میں ڈالر کی قدر میں اضافہ دیکھنے میں آیا، دن کے آغاز پر انٹر بینک میں ڈالر 37 پیسے مہنگا ہو کر 198 روپے 29 پیسے پر ٹریڈنگ کرنے لگا۔
دن کے وسط تک ڈالر کی قیمت 1 روپے 63 پیسے بڑھ گئی جس کے بعد ڈالر 199 روپے 55 پیسے پر پہنچ گیا۔
اس کے بعد یکایک ڈالر کی قیمت 2 روپے تک بڑھ گئی۔
دن کے اختتام تک ڈالر کی قیمت میں مجموعی طور پر 2 روپے 14 پیسے اضافہ ہوا، انٹر بینک میں ڈالر 200 روپے 6 پیسے پر بند ہوا۔
Interbank closing #ExchangeRate for todayhttps://t.co/HjHGD7tdJi pic.twitter.com/8DA4qDCX6T
— SBP (@StateBank_Pak) June 6, 2022
فاریکس ڈیلرز کا کہنا ہے کہ اوپن مارکیٹ میں ڈالر 201 سے 205 روپے میں فروخت ہو رہا ہے۔
