اسلام آباد : محکمہ موسمیات نے جون کے دوسرے ہفتے میں ملک بھر میں پری مون سون بارشوں کے آغاز کی پیش گوئی کردی۔
تفصیلات کے مطابق محکمہ موسمیات نے اس سال کی متوقع مون سون بارشوں کی تفصیلات جاری کردیں ، جس میں کہا ہے کہ ملک بھر میں پری مون سون بارشوں کا آغاز جون کے دوسرے ہفتے سے متوقع ہے۔
یکم جولائی سے اگست کے وسط تک کے پہلے فیزمیں زیادہ بارشیں متوقع ہیں، مون سون کا موسم یکم جولائی سے ستمبرتک ہوتا ہے۔
محکمہ موسمیات کا کہنا تھا کہ اس سال پنجاب اور سندھ میں معمول سے زیادہ بارشیں متوقع ہیں جبکہ ملک کےدیگرحصوں میں معمول سےزیادہ بارشیں ہوسکتی ہیں۔
محکمہ موسمیات کے مطابق موسلادھار بارش کے نتیجے میں سندھ اور پنجاب میں اربن فلڈنگ کا خدشہ ہیں، آزاد کشمیر اور کے پی کے شہروں میں بھی اربن فلڈنگ کے خدشات ہیں۔
Comments
- Advertisement -
