کراچی : محکمہ موسمیات نے کراچی میں آج ہلکی بارش اور بوندا باندی کی پیش گوئی کرتے ہوئے کہ کراچی میں 27 سے 28 جون کو بارش کا امکان ہے۔
تفصیلات کے مطابق محکمہ موسمیات نے جانب سے بیان میں کہا گیا ہے کہ کراچی میں آج دن اور رات کے اوقات میں ہلکی بارش اور بوندا باندی کا امکان ہے تاہم موسم گرم ، مرطوب اور مطلع جزوی ابرآلود رہے گا۔
محکمہ موسمیات کا کہنا تھا کہ شہر کا موجودہ درجہ حرارت 33 ڈگری سینٹی گریڈ، نمی کا تناسب78فیصد جبکہ جنوب مغربی سمت سے چلنے والی ہواؤں کی رفتار 15 سے 25 نارٹیکل مائل ہے۔
محکمہ موسمیات کے مطابق آج شہر کا درجہ حرارت34 سے 36 ڈگری سینٹی گریڈ تک جانے کا امکان ہے۔
چیف میٹرولوجسٹ سردار سرفراز نے بتایا کہ ملک میں پری مون سون بارشوں کا ایک اور سسلسلہ سولہ جون کو داخل ہوگا، کراچی سمیت بالائی سندھ میں بھی ستائیس سے اٹھائیس جون کو بارش کا امکان ہے۔
سردار سرفرازکا کہنا ہے اسلام آباد، لاہور فیصل آباد سمیت پنجاب میں بادل برسیں گے جبکہ بالائی خیبرپختونخوا،شمال مشرقی بلوچستان میں بارش کاامکان ہے، بارش کا سلسسلہ تین روزتک جاری رہے گا۔
چیف میٹرولوجسٹ نے کہا کہ پنجاب اوربلوچستان کےمختلف اضلاع میں معمول سے زیادہ بارش متوقع ہے۔
دوسری جانب ملک کے بیشتر علاقوں میں آج بھی گرمی کی لہر برقرار رہے گی تاہم شام کے اوقات میں خضدار، قلات، بارکھان، نارووال، سیالکوٹ، لاہور، اسلام آباد، سوات، کشمیر اور گلگت بلتستان میں بعض مقامات پر گرج چمک کیساتھ بارش کا امکان ہے۔
