فلاڈیلفیا : امریکی خاتون نے گیسٹ ہاؤس کے کمروں میں لگے دس خفیہ کیمرے بے نقاب کردیے، سماجی رابطے کی ویب سائٹ پر لگی اس پوسٹ نے تہلکہ مچا دیا۔
فلاڈیلفیا میں ایک امریکی خاتون نے سیاحوں کو رہائشی سہولیات فراہم کرنے والی کمپنی سے اپنے لیے ایک رہائشی جگہ بک کرائی جس میں جاکر انہیں ایسا انکشاف ہوا جس نے انہیں خوفزدہ کردیا۔
سماجی رابطے کی ویب سائٹ ٹوئٹر پر اپنی پوسٹ میں انہوں نے وہ کمرے دکھائے جہاں خفیہ کیمرے نصب تھے جو ان کی ذاتی زندگی میں خلل ڈالنے کے علاوہ انتہائی غیر اخلاقی عمل ہے۔
BE CAUTIOUS BOOKING AIR BNBs! My friend & I recently stayed at a air bnb in Philadelphia with over 10 hidden cameras all over the house. Including the showers and bedrooms. Some were disguised as sprinkler systems but it has a camera lens. pic.twitter.com/nimx4L6koC
— 🍒 (@foxytaughtyou) June 12, 2022
اپنی پوسٹ میں ان کا کہنا تھا کہ مسافروں کو رہائش کی بکنگ کراتے وقت ہر صورت محتاط رہنا چاہیے، یہ دس کیمرے گھر کے مختلف کمروں باتھ روم اور بیڈ روم میں لگے ہوئے تھے۔
مذکورہ خاتون کے مطابق یہ کیمرے لوگوں کی ذاتی زندگی اور ان کی تنہائی کے لمحات کا نظارہ حاصل کرنے کے لیے چھپا کر لگائے گئے تھے۔
اس نے مزید لکھا کہ جب اس نے اس واقعے کے بارے میں گیسٹ ہاؤس انتظامیہ سے شکایت کی تو ہمیں ہوم شیئرنگ منصوبے کے تحت دوسری جگہ منتقل کردیا گیا۔
We noticed these “sprinklers” CAMERAS were placed in spots to get a perfect view of people. Luckily it was a girls trip so I wasn’t having intercourse… but I was naked and had to change in this room😣 pic.twitter.com/9SHPLUEpkg
— 🍒 (@foxytaughtyou) June 12, 2022
خاتون کے مطابق فلاڈیلفیا پولیس سے فون پر رابطہ کرنے کی کوشش کی جس میں کامیابی نہ ہوسکی لیکن تاحال پولیس نے بھی رابطہ نہیں کیا۔
انہوں نے مزید کہا کہ افسوس کی بات ہے کہ ہماری شکایت کے باوجود کوئی شنوائی نہیں ہوئی، یہ بہت غیر محفوظ اور خوفناک عمل ہے، خدا کا شکر ہے کہ ہم نے ان کیمروں کو دیکھ لیا اور وہاں سے نکل آئے۔