اسلام آباد : وزیر دفاع خواجہ آصف نے بڑا انکشاف کیا ہے کہ آئی ایم ایف کی تقریباتمام شرطیں مان لیں، ایک دو روز میں ڈراپ سین ہوجائے گا۔
تفصیلات کے مطابق وزیر دفاع خواجہ آصف نے نجی ٹی وی کو انٹرویو دیتے ہوئے بتایا کہ آئی ایم ایف کی تقریباتمام شرطیں مان لیں اور آئی ایم ایف کیساتھ نتیجہ خیز مرحلے پر پہنچ چکے ہیں ، ایک دو روز میں ڈراپ سین ہوجائے گا۔
گذشتہ روز وزیر خزانہ مفتاح اسماعیل نے پارلیمنٹ ہاؤس میں صحافیوں سے گفتگو کرتے ہوئے کہا تھا کہ امید ہے کہ آئی ایم ایف پروگرام ایک دو روز میں بحال ہوجائے گا ، آئی ایم ایف کا تنخواہ بڑھانے سے کوئی تعلق نہیں اور نہ ہی اسے ملازمین کی تنخواہوں میں اضافے پر اعتراض ہے۔
مزید پڑھیں : امید ہے آئی ایم ایف پروگرام ایک دو دن میں بحال ہو جائے گا، وزیر خزانہ
مفتاح اسماعیل نے وضاحت دیتے ہوئے کہا تھا کہ آئی ایم ایف کو12 لاکھ آمدن پر انکم ٹیکس چھوٹ پربھی اعتراض نہیں، 12 لاکھ روپے پر انکم ٹیکس چھوٹ برقرار رہے گی، غریب عوام کو ریلیف ملے گا امیروں پر ٹیکس لگے گا۔
واضح رہے کہ وزیرمملکت خزانہ ڈاکٹرعائشہ غوث پاشا نے گزشتہ روز آئی ایم ایف معاملے پر امریکا سے مدد لینے کی تصدیق کی تھی۔
