قومی ٹیم کے فاسٹ بولر محمد حسنین کا انگلش کاونٹی میں وورسٹر شائر سے معاہدہ طے پاگیا۔
حسنین رواں سیزن میں وورسٹر شائرکی چھ میچوں میں نمائندگی کریں گے۔ فاسٹ بولر آئندہ ماہ مڈل سکس کے خلاف کاونٹی کرکٹ میں ڈیبیو کریں گے۔
نوجوان بولر کا کہنا ہے کہ کاونٹی چیمپئن شپ پہلی بار کھیلوں گا، انگلینڈ میں کھیل کربہت کچھ سیکھنےکوملے گا اپنی کارکردگی سے ٹیم کو کامیابی دلانے کی کوشش کروں گا۔
بولنگ ایکشن کلیئر ہوتے ہی حسنین کو بیرون ملک سے بڑی آفر مل گئی
بولنگ ایکشن کلیئر ہونے کے بعد محمد حسنین کو دی ہنڈرڈ لیگ میں شمولیت کی آفر بھی آئی ہے انہیں یہ پیشکش دی ہنڈرد لیگ میں شریک ٹیم اوول انونسیبل نے کی ہے۔
فرنچائز اوول انوینسیبلز نے محمد حسنین کا انتخاب اوورسیز وائلڈ کارڈ پک کے طور پر کیا ہے۔ دی ہنڈرڈلیگ کا دوسرا سیزن رواں سال اگست میں شروع ہوگا۔
Comments
- Advertisement -
