اسلام آباد : وفاقی بجٹ میں موبائل فونز کی درآمد پر 100 روپے سے 16 ہزار روپے تک لیوی عائد کردی گئی، جس کے بعد موبائل فونز مزید مہنگے ہوگئے۔
تفصیلات کے مطابق قومی اسمبلی اجلاس میں فنانس بل 2022 کی شق وار منظوری ہوئی ، جس کے تحت درآمدی موبائل فونز مزید مہنگے ہوگئے۔
موبائل فونز کی درآمد پر 100 روپے سے 16 ہزار روپے تک لیوی عائد کردی گئی ، بجٹ میں 30 ڈالر کے موبائل فون پر 100 روپے لیوی ، 30 ڈالر سے 100 ڈالر مالیت کے موبائل فونز پر 200 روپے لیوی عائد کی۔
- Advertisement -
فنانس بل کے مطابق بجٹ میں 200 ڈالر کے درآمدی موبائل فون پر 600 روپےلیوی ، 350ڈالرمالیت کےموبائل فونزپر1800 روپےلیوی اور 5 سو ڈالر کے موبائل فون پر 4 ہزار لیوی عائد کی۔
اسی طرح 700 ڈالر مالیت کےموبائل فون پر8ہزارروپے اور 701ڈالر مالیت کےموبائل فون پر16ہزار روپے لیوی عائد کی گئی۔
