بھارت میں شہری نے گائے کو کرنٹ لگنے سے بچا لیا جس کی ویڈیو سوشل میڈیا پر وائرل ہوگئی۔
جانوروں کو مشکل میں دیکھ کر شہری ان کی مدد کرتے ہیں ایسی ہی ایک ویڈیو بھارتی پنجاب کے ضلع مانسا سے سامنے آئی ہے جس میں شہری نے گائے کو کرنٹ لگنے سے بچالیا۔
ٹویٹر پر شیئر کی گئی ویڈیو میں دیکھا جاسکتا ہے کہ مذکورہ علاقے میں پانی جمع ہے اور گائے وہاں سے گزر رہی ہے اچانک ہی وہ کھمبے سے ٹکراتی ہے اور کرنٹ لگنے کی وجہ سے پانی میں گر جاتی ہے۔
گائے کی حالت دیکھ کر ایک دکاندار بھاگتا ہوا آیا اور ایک کپڑے کے ٹکڑے سے گائے کی ٹانگیں باندھ دیں بعدازاں دیگر شہری بھی آگے بڑھے اور اسے کھمبے سے دور کردیا۔
करंट लगने से छटपटाती हुई गाय को एक दुकानदार ने कपड़े से खींच कर बचाया।
ये है मानवता का उदाहरण🙏🏻 pic.twitter.com/jRlaxYyv6w— Anamika Jain Amber (@anamikamber) July 2, 2022
ویڈیو میں دیکھا جاسکتا ہے کہ کھمبے سے دور کیے جانے کے بعد گائے اٹھ کھڑی ہوئی اور آگے کی جانب چل دی۔
سوشل میڈیا صارفین کی جانب سے اس شخص کی تعریف کی جارہی ہے اور اس کے اقدام کو خوب سراہا جارہا ہے۔
ایک صارف نے لکھا کہ ’اس شخص کو سلام پیش کرتے ہیں۔‘ دوسرے صارف نے لکھا کہ دکاندار نے گائے کی جان بچا کر بہت اچھا کام کیا ہے۔‘
