کولمبو: پاکستان کرکٹ ٹیم کو دورہ سری لنکا کے آغاز پر مشکل میں پھنس گئی، کرکٹ ٹیم کے سپورٹ اسٹاف ممبر کرونا کا شکار ہوگئے۔
ذرائع کے مطابق سری لنکا کے خلاف دو ٹیسٹ میچز کی سیریز کھیلنی والی قومی ٹیم گذشتہ روز ہی کولمبو پہنچی تھی، جہاں اسکواڈ سمیت سپورٹ اسٹاف کے کرونا ٹیسٹ کئے گئے، جہاں ایک سپورٹ اسٹاف ممبر کا ٹیسٹ مثبت آگیا ہے۔
ذرائع کے مطابق سپورٹ اسٹاف ممبر کو فوری طور پر مکمل پروٹوکول کے تحت آئسولیٹ کردیا گیا ہے، قومی اسکواڈ آج آرام کرے گی اور کل سے باقاعدہ پریکٹس کا آغاز کرے گی۔
یہ بھی پڑھیں: سری لنکا اسکواڈ پر کرونا کا حملہ، اہم کھلاڑی گال ٹیسٹ سے باہر
اس سے قبل سری لنکا کرکٹ ٹیم کے تین اہم کھلاڑی کرونا وائرس کا شکار ہوئے تھے، کرونا ٹیسٹ مثبت آنے کے بعد تینوں کھلاڑیوں کو کل سے گال میں شروع ہونے والے دوسرے ٹیسٹ سے باہر کردیا گیا تھا۔
سری لنکن کرکٹ بورڈ کے مطابق ڈی سلوا،جیفری ویندرسے اور آسیتھا فرنینڈو کورونا کا شکار ہوئے جنہیں مکمل پروٹوکول کے تحت آئسولیٹ کردیا گیا ہے۔
واضح رہے کہ پاکستان اورسری لنکا کا پہلا ٹیسٹ سولہ جولائی سےگال میں شروع ہوگا۔
