پاکستان تحریک انصاف کے مرکزی رہنما فرخ حبیب نے کہا ہے کہ انتخابی مہم چلانے کے لیے وزرا کا استعفیٰ ثابت کرتا ہے کہ مریم صفدر کی انتخابی مہم ناکام ہوگئی۔
پاکستان تحریک انصاف کے مرکزی رہنما اور سابق وزیر فرخ حبیب نے سماجی رابطوں کی ویب سائٹ ٹوئٹر پر ن لیگی وزرا کے استعفوں کو مریم نواز کی انتخابی مہم کی ناکامی سے تعبیر کیا ہے۔
پی ٹی آئی رہنما فرخ حبیب نے اپنے ٹوئٹ میں لکھا ہے کہ نالائق اعظم شہباز شریف اور جعلی وزیراعلیٰ حمزہ شہباز کے وزرا انتخابی مہم کیلیے استعفے دے رہے ہیں اس کا مطلب ہے کہ مریم صفدر کی انتخابی مہم ناکام ہوگئی ہے۔
فرخ حبیب نے ٹوئٹ میں مزید کہا ہے کہ جس طرح کی مہنگائی، معیشت کا بیڑا غرق، لوڈشیڈنگ جیسی تباہی اور بربادی نالائق اعظم شہباز شریف نے تین ماہ میں کی ہے استعفیٰ تو اس کو دے دینا چاہیے۔
نالائق اعظم شہباز شریف اور جعلی وزیراعلی حمزہ شہباز کے وزرا انتخابی مہم کے لئے استعفی دے رہے ہے اس کا مطلب مریم صفدر کی انتخابی مہم ناکام ہوگئی ہے
مہنگائی، معشعیت بیڑا غرق ، لوڈ شیڈنگ
جیسی تباہی اور بربادی نالائق اعظم شہباز شریف نے 3 ماہ میں کی ہے استعفی تو اسکو دے دینا چاہئے— Farrukh Habib (@FarrukhHabibISF) July 12, 2022
واضح رہے کہ پنجاب میں 17 جولائی کو پنجاب کے 20 حلقوں میں ہونے والے ضمنی الیکشن کیلیے اب تک ن لیگ کے 4 وزرا نے اپنی وزارتوں سے استعفیٰ دے دیا ہے۔
یہ بھی پڑھیں: ن لیگی وزرا کے استعفوں کی لائن لگ گئی، ایک اور وزیر مستعفی
استعفیٰ دینے والوں میں وفاقی وزیر ایاز صادق کے علاوہ صوبائی وزرا سلمان رفیق، اویس لغاری اور ملک احمد خان شامل ہیں۔
