کشمیر پریمیئر لیگ (کے پی ایل) سیزن ٹو کے لیے فاسٹ بولر محمد عامر کو راولا کوٹ ہاکس نے آئیکون پلیئر منتخب کرلیا۔
سماجی رابطے کی ویب سائٹ ٹویٹر پر راولاکوٹ ہاکس نے اپنے مداحوں کے لیے آئیکون پلئیر کا اعلان کرتے ہوئے بتایا کہ فاسٹ بولر محمد عامر کو ٹیم کا حصہ بننے پر مبارکباد دیتے ہیں۔
دوسری جانب محمد عامر کا کہنا تھا کہ راولاکوٹ ہاکس کیلئے بطور آئیکون پلئیر منتخب کرنے پر وہ انتظامیہ اور کوچز کے مشکور ہیں۔
The wait is OVER..!! Here to announce our ICON HAWK PLAYER…🏏
A left-arm pace bowler Muhammad Amir is Our ICON hawk… 🦅#Hawksofkpl #flylikehawk #wearehawks #Muhammadamir@iamamirofficial pic.twitter.com/GPUB5Eklzr— Rawalakot Hawks (@HawksKPL) July 14, 2022
واضح رہے کہ قومی ٹیم سے ڈراپ کرنے کے بعد فاسٹ بولر محمد عامر نے پاکستان کیلئے کھیلنے سے انکار کیا تھا اور سال 2020 میں انہوں نے انگلینڈ کے خلاف گرین کیپس کی نمائندگی کرتے ہوئے آخری میچ کھیلا تھا۔
محمد عامر پاکستان کی جانب سے پچاس ٹی20 انٹرنیشنل میچز میں 59 اور مجموعی طور پر ٹی20 فارمیٹ میں 219 میچز کھیل 248 وکٹیں حاصل کرچکے ہیں، فاسٹ بولر انٹرنیشنل اور ٹی20 لیگز کا وسیع تجربہ رکھتے ہیں۔
