پاکستانی ڈرامہ انڈسٹری کی معروف اداکارہ سائرہ یوسف نے ننھی بیٹی نورے شہروز کی سالگرہ کی دلکش ویڈیو شیئر کردی۔
فوٹو اور ویڈیو شیئرنگ ایپ انسٹاگرام پر اداکارہ سائرہ یوسف نے بیٹی نورے کی 8ویں سالگرہ کی ویڈیو شیئر کی جس میں نورے کو مختلف مقامات پر لطف اندوز ہوتے دیکھا جاسکتا ہے۔
اداکارہ نے ویڈیو شیئر کرتے ہوئے کیپشن میں لکھا کہ ’نورے بابا سالگرہ مبارک ہو۔‘
View this post on Instagram
سائرہ نے چند گھنٹوں قبل یہ ویڈیو شیئر کی جسے اب تک لاکھوں صارفین دیکھ چکے ہیں اور نورے کو سالگرہ کی مبارک باد دے رہے ہیں۔
نورے کو سالگرہ کی مبارک باد دینے والوں میں اداکارہ حرا مانی، عروسہ صدیقی، منال خان بھی شامل ہیں۔
واضح رہے کہ سائرہ یوسف نے چند ماہ قبل اے آر وائی ڈیجیٹل کے میگا کاسٹ ڈرامہ سیریل ’صنف آہن‘ میں ’آرزو ڈینئل‘ کا کردار نبھایا تھا جسے مداحوں کی جانب سے خوب سراہا گیا تھا۔
View this post on Instagram
یاد رہے کہ شہروز سبزواری اور سائرہ یوسف نے علیحدگی اختیار کرلی تھی دونوں کی ایک بیٹی نورے شہروز ہیں جبکہ شہروز نے اداکارہ صدف کنول سے دوسری شادی کرلی ہے۔
