لاہور: مسلم لیگ نواز (ن لیگ) کی جانب سے ق لیگی ارکان سے متعلق جعلی لیٹر لانے کا خدشہ ظاہر کیا گیا ہے۔
اے آر وائی نیوز کے مطابق ن لیگ کی جانب سے ق لیگی ارکان کے حوالے سے جعلی لیٹر لانے کے خدشے کے پیش نظر سربراہ ق لیگ چوہدری شجاعت کا ویڈیو پیغام ریکارڈ کرایا جائے گا۔
ذرائع کے مطابق چوہدری شجاعت ق لیگ ارکان کو پرویز الٰہی کو ووٹ دینے کا پیغام جاری کریں گے۔
واضح رہے کہ پرویز الہٰی یا حمزہ شہباز، تخت لاہور پر کون بیٹھے گا؟ اس کا فیصلہ اب سے کچھ دیر بعد ہوجائے گا۔
سپریم کورٹ کے حکم کے مطابق وزیر اعلیٰ پنجاب کے فری اینڈ فیئر انتخاب کے لیے ووٹنگ آج جمعہ 22 جولائی کو ہوگی، وزیر اعلیٰ کے انتخاب کے لیے حکومتی اتحاد کے امیدوار حمزہ شہباز اور تحریک انصاف و اتحادی جماعت مسلم لیگ ق کے امیدوار پرویز الہٰی میں مقابلہ ہوگا۔
تحریک انصاف نے نمبر پورے ہونے کا دعویٰ کیا ہے اور ان کا کہنا ہے کہ 188 ارکان کی حمایت حاصل ہے جبکہ حکومتی اتحاد کی تعداد 179 ہے۔
