پاکستانی شوبز انڈسٹری کے اداکار و یوٹیوبر ارسلان نصیر نے سپریم کورٹ کے فیصلے کے بعد دلچسپ ٹویٹ کردیا۔
تفصیلات کے مطابق سپریم کورٹ نے ڈپٹی اسپیکر پنجاب اسمبلی دوست محمد مزاری کی رولنگ کالعدم قرار دے دی جس کے بعد حمزہ شہباز وزیراعلیٰ نہیں رہے اور پرویز الٰہی نئے وزیر اعلیٰ پنجاب منتخب ہوگئے۔
فیصلے میں کہا گیا ہے کہ ڈپٹی اسپیکر کی رولنگ کا کوئی قانونی جواز نہیں، پنجاب کابینہ بھی کالعدم قرار دی جاتی ہے حمزہ شہباز اور ان کی کابینہ فوری طور پر عہدہ چھوڑیں۔
سماجی رابطے کی ویب سائٹ ٹویٹر پر اداکار و یوٹیوبر ارسلان نصیر نے مزاحیہ انداز میں لکھا کہ ’حمزہ بھائی پریشانی کی کوئی بات نہیں ہے آفس کو اندر سے کُنڈی لگالیں۔‘
Hamza bhai, tension ki koi baat nahi, office ko andar se kundi laga dein 🤷♂️#Supreme_Court_Of_Pakistan #15Minutes Congratulations Pakistan Breaking news CM of Punjab
— Arslan Naseer – CBA (@ArslanNaseerCBA) July 26, 2022
ارسلان نصیر نے ٹویٹ میں قوم کو مبارک باد دی اور ہیش ٹیگ سپریم کورٹ آف پاکستان کا استعمال کیا۔
اداکار کے ٹویٹ پر سوشل میڈیا صارفین کی جانب سے ملے جلے ردعمل کا اظہار کیا جارہا ہے۔
