ملک میں ڈالر کی قدر میں معمولی کمی کے بعد سونے کی قیمت بھی کم ہوگئی۔
سندھ صرافہ بازار جیولرز ایسوسی ایشن کے مطابق سونے کی فی تولہ قیمت میں 4200 روپے کمی کے بعد ایک لاکھ 58 ہزار300 روپے ہوگئی۔
عالمی مارکیٹ میں سونے کی قیمت میں اضافے کا رجحان رہا اورعالمی صرافہ میں سونے کا بھاؤ 12 ڈالر اضافے سے 1762 ڈالر فی اونس ہے۔
خیال رہے کہ گزشتہ روز سونے کی فی تولہ قیمت میں ریکارڈ 8 ہزار روپے سے زائد کا اضافہ ہوا تھا۔
دوسری جانب اسٹیٹ بینک کا کہنا ہے کہ انٹر بینک میں ڈالر 57 پیسے سستا ہوگیا۔
انٹربینک میں ڈالر 239.94 روپے سے کم ہوکر 239.37 روپے پر بند ہوا۔
Interbank closing #ExchangeRate for todayhttps://t.co/7mgh1WaWW6 pic.twitter.com/YkprdgF19D
— SBP (@StateBank_Pak) July 29, 2022
ماہرین کا کہنا ہے کہ گزشتہ 11 کاروباری روز سے مسلسل ڈالر کی قدرمیں اضافے کے بعد ریکوری دیکھی جارہی ہے۔