اسلام آباد: وزیر اعظم شہباز شریف کا صوبہ بلوچستان کے سیلاب متاثرہ علاقوں کا دورہ ایک بار پھر ملتوی ہوگیا، وزیر اعظم سیلاب متاثرین سے ملاقات کرنے والے تھے۔
تفصیلات کے مطابق وزیر اعظم شہباز شریف کا سیلاب سے متاثرہ علاقوں کا دورہ ایک بار پھر ملتوی ہوگیا، وزیر اعظم کو طے شدہ شیڈول کے مطابق بلوچستان کا دورہ کرنا تھا تاہم ان کی بلوچستان روانگی موسم کی شدید خرابی کے سبب مؤخر ہوگئی۔
وزیر اعظم نے ہدایت کی ہے کہ موسم بہتر ہوتے ہی بلوچستان روانہ ہوا جائے۔
- Advertisement -
خیال رہے کہ وزیر اعظم کو سندھ، بلوچستان اور پنجاب میں متاثرہ علاقوں کا دورہ کرنا تھا جہاں وہ سیلاب متاثرین سے ملاقات کرنے والے تھے جبکہ ریسکیو اور ریلیف کے اقدامات کا بھی جائزہ لینا تھا۔
ذرائع کا کہنا ہے کہ موسم بہتر ہوتے ہی وزیر اعظم متاثرہ علاقوں کا دورہ کریں گے۔
