قومی ویمنز ٹیم کی کپتان بسمہ معروف نے کہا ہے کہ بھارت کے خلاف عوام کی امیدوں پر پورا نہیں اتر سکے آئندہ اچھا پرفارم کریں گے۔

کامن ویلتھ گیمز میں روایتی حریف سے شکست پر قومی ٹیم کی کپتان بسمہ معروف نے کہا کہ بھارت کےخلاف میچ ہمیشہ بہت جوش والا ہوتا ہے ہم بہت ٹف میچز ہارے ہیں ہم نےبہترین کھیل پیش کرنےکی کوشش کی۔

بسمہ معروف نے کہا کہ ایونٹ کےدوران بیٹی کافی انجوائےکر رہی ہے کامن ویلتھ گیمز مینجمنٹ اور پی سی بی نے بیٹی کا بہت خیال رکھا۔

ان کا کہنا تھا کہ بیٹی کیساتھ ٹریول کرنا آسان نہیں کوشش ہےمشکل پیش نہ آئے میری والدہ بیٹی کو سنبھالنے میں میرے ساتھ بہت مدد کراتی ہیں۔