بیجنگ: چین میں مصروف شاہراہ پر کمسن بچی چلتی گاڑی سے گر گئی۔
بچی کے گرنے کا افسوسناک واقعہ چین کے شہر ننگبو میں پیش آیا جس کی ویڈیو سوشل میڈیا پر وائرل ہوگئی۔
وائرل ویڈیو میں دیکھا جاسکتا ہے کہ جیسے ہی سگنل کھلتا ہے ڈرائیور گاڑی آگے بڑھا دیتا ہے اور گاڑی کی کھڑکی سے بچی نیچے گر جاتی ہے۔
ویڈیو میں دیکھا جاسکتا ہے کہ بظاہر واقعے سے لاعلم ڈرائیور گاڑی لے کر چلا جاتا ہے۔
بچی کو زمین پر گرا دیکھ کر دیگر گاڑیاں فوری رک جاتی ہے اور گاڑی سے اتر ایک شخص اسے گود میں اٹھا لیتا ہے۔
A child who fell out of a car window was rescued by drivers and passengers of the following cars in Ningbo, China pic.twitter.com/IF6Kj3viHS
— China Xinhua News (@XHNews) August 2, 2022
مذکورہ شخص بچی کو گود میں لے کر اس کی خیریت دریافت کرتا ہے۔ خوش قسمتی سے بچی کو کسی قسم کی کوئی چوٹ نہیں لگی۔
