راولپنڈی : پاکستان کی مسلح افواج نے کشمیریوں کو یواین قراردادوں کے مطابق حق خودارادیت دینے کا مطالبہ کرتے ہوئے کہا کشمیریوں کی حق خودارادیت کیلئے بہادر کشمیریوں کیساتھ کھڑی ہے۔
تفصیلات کے مطابق پاکستان کی فوج کے شعبہ تعلقاتِ عامہ (آئی ایس پی آر) کی جانب سے یوم استحصال کے موقع پر پیغام میں کہا گیا ہے کہ پاکستان کی مسلح افواج کی جانب سے کشمیریوں کی خودارادیت کی جدوجہد سے بھرپور یکجہتی کا اظہار کیا گیا ہے۔
یوم استحصال کشمیر کے موقع پر مسلح افواج نے بیان میں مطالبہ کیا کہ کشمیریوں کو یو این قراردادوں کے مطابق حق خودارادیت دیا جائے۔
آئی ایس پی آر کا کہنا تھا کہ مسلح افواج کشمیریوں کی حق خودارادیت کیلئے بہادر کشمیریوں کیساتھ کھڑی ہے۔
ترجمان نے مزید کہا کہ یہ غاصب فوج کا 1095دن کابدترین محاصرے،وحشیانہ مظالم کاخاتمہ ہونا چاہیے،کشمیر کے شہداکو ان کی عظیم قربانیوں پر خراج عقیدت پیش کرتے ہیں۔
