کراچی: سندھ اسمبلی کے اجلاس میں مسلم لیگ ن کی سورٹھ تھیبو کی اسلام آباد میں جاری دھرنوں کے خلاف پیش کی گئی قرارداد کثرت رائے سے منظور کرلی گئی۔جبکہ ایم کیو ایم نےبلدیاتی انتخابات جلد کرانےکی قرارداد بھی اسمبلی میں پیش کردی۔
تفصیلات کے مطابق سندھ اسمبلی کے آج ہونےوالے اجلاس میں مسلم لیگ ن کی رکن سورٹھ تھیبو کی جانب سے اسلام آباد میں جاری دھرنوں کے خلاف قرارداد کثرت رائے سے منظور کرلی گئی۔
قرارداد کے متن کے مطابق تحریک انصاف اور عوامی تحریک کے دھرنوں میں وزیراعظم پاکستان سمیت بیشتر قومی رہنماؤں کی تضحیک کی جارہی ہے۔ اسمبلی میں ایم کیو ایم کےرکن سندھ اسمبلی کامران اختر نے صوبے میں جلد بلدیاتی انتخابات کرانے کی قرارداد بھی پیش کی ۔
قرارداد میں کہا گیا ہے کہ بلدیاتی ادارے نہ ہونے کی وجہ سےسترفیصد ریونیودینے والا شہر زبوں حالی کا شکارہے۔انہوں نے مطالبہ کیا کہ تین کروڑعوام پررحم کھاتے ہوئے بلدیاتی انتخابات فوری کرائے جائیں۔
