برمنگھم: کامن ویلتھ گیمز میں پاکستانی ریسلر کی شاندار کارکردگی کا سلسلہ جاری ہے، ایک اور ریسلر نے عالمی ایونٹ کے کوارٹر فائنل میں جگہ بنالی۔
تفصیلات کے مطابق ریسلنگ کی چوہتر کلوگرام کیٹگری کے مقابلے میں پاکستان کے محمد شریف طاہرابتدائی راؤنڈ میں کامیاب ہوگئے۔
محمد شریف طاہر نے ٹونگا کے ریسلر کو شکست دیکر کوارٹرفائنل میں جگہ بنائی، انہوں نے اپنے حریف کو دو منٹ باون سکینڈ میں چت کیا۔
یاد رہے کہ پاکستان اب تک کامن ویلتھ گیمز میں مجموعی طور پر پانچ میڈلز اپنے نام کرچکا ہے، جن میں ایک گولڈ، دو سلور اور دو کانسی کے تمغے شامل ہیں۔
ان میں سے تین میڈلز پاکستان نے ریسلنگ کی مختلف کیٹگری سے میں حاصل کئے۔
یہ بھی پڑھیں: سلور میڈلسٹ انور زمان نے میچ کے بعد کیا کہا؟
پاکستان کے زمان انور نے ایک سو پچیس کلوگرام کی کیٹیگری کینیڈا کے امرویر ڈیشی کو فائنل میں شکست دیتے ہوئے گولڈ میڈل اپنے نام کیا۔
پاکستانی ریسلر انعام بٹ نے 85 کلوگرام فری اسٹائل کیٹگری میں سلور میڈل اپنے نام کیا، فائنل میں انہیں بھارتی حریف دیپک پونیا نے ہرایا۔
اسی طرح ایک سو پچیس کلوگرام کیٹگری میں پاکستان کے زمان انور کو کینیڈا کے امرویر دھیسی کے ہاتھوں شکست کا سامنا کرنا پڑا، اس طرح انہوں نے چاندی کا تمغہ اپنے نام کیا۔
