اسلام آباد: صدر مملکت ڈاکٹر عارف علوی کا کہنا ہے کہ لسبیلہ ہیلی کاپٹر حادثے کے شہدا کے جنازے میں میری عدم شرکف کو غیر ضروری طور پر متنازع بنایا جا رہا ہے۔
صدر عارف علوی نے ٹوئٹر پر جاری اپنے بیان میں کہا کہ شہدا کے جنازے میں عدم شرکت پر تنازع کھڑا کیا گیا، موقع ملا ہے کہ نفرت انگیز ٹوئٹس کی مذمت کروں، وطن کی خاطر جان قربان کرنے والوں کی توہین کیسے کر سکتے ہیں؟
انہوں نے کہا کہ قرآن میں شہید کا مقام واضح ہے اور اللہ نے حیات جاوداں بخشی ہے، پاکستانیوں کی طرح میں بھی ساری زندگی شہدا کا معترف رہا ہوں۔
مزید پڑھیں: شہید لیفٹننٹ جنرل سرفراز علی کون تھے؟
عارف علوی نے کہا کہ کوئی شک نہیں پاکستان شہدا کی لازوال قربانیوں کی وجہ سے محفوظ ہے، میرے لیے پاکستان کی یہی بات قابل فخر ہے۔
ان کا کہنا تھا کہ میں نے سینکڑوں شہدا کے خاندانوں سے رابطے کیے، جنازوں میں شرکت کی اور تعزیت کے لیے ان سے ملاقات کی، اسے اپنا فرض سمجھتا ہوں۔
میری شہیدوں کے جنازے میں عدم شرکت کو غیر ضروری طور پہ متنازعہ بنایا جا رہاہے۔ اس تمام غیرضروری مشق سے مجھے نفرت انگیز ٹویٹس کرنے والوں کی غیر واضح الفاظ میں مذمت کرنے کا موقع ملتا ہے جو نہ تو ہماری ثقافت اور نہ ہی ہمارے مذہب سے واقف ہیں۔
— Dr. Arif Alvi (@ArifAlvi) August 5, 2022
