شہر قائد کے علاقے گلستان جوہر میں خاتون کی تذلیل کے بدترین واقعے نے ہر صاحب دل کو شدید اضطراب میں مبتلا کردیا ہے۔
تفصیلات کے مطابق گلستان جوہر بلاک سترہ میں سیکیورٹی گارڈ اور خاتون کے درمیان کسی بات پر تلخ کلامی جاری تھی کہ اسی دوران سیکیورٹی گارڈ نے سفاکیت کا مظاہرہ کیا اور خاتون کو زوردار تھپر رسید کردیا جس کے باعث وہ زمین پر گر پڑی۔
سفاک سیکیورٹی گارڈ کو ذرہ برابر رحم نہ آیا اور اس نے زمین پر گری خاتون کو اپنا بھاری بھر کم جوتا منہ پر دے مارا، بھاری بوٹ منہ پر لگتے ہی خاتون بے ہوش ہوگئی،خاتون بے ہوشی کی حالت میں کافی دیر زمین پر پڑی رہی۔
افسوسناک ناک واقعے کی ویڈیو اے آر وائی نیوز نے حاصل کرلی ہے۔
دوسری جانب ذرائع کا کہنا ہے کہ ویڈیو ایک اپارٹمنٹ کی ہے، معاملے پر سیکیورٹی گارڈ اور بلڈنگ یونین نے کسی کو بھی مدد کرنے سے روک دیا ہے۔
یہ بھی بتایا گیا ہے کہ تشدد میں سیکیورٹی گارڈ اور عادل نامی شخص ملوث ہے۔
