اسلام آباد : ملک بھر کی صحافتی تنظیموں نے وفاقی حکومت سے اے آر وائی نیوز کی نشریات فوری بحال کرنے کا مطالبہ کردیا۔
تفصیلات کے مطابق ملک کے مقبول ترین چینل اے آر وائی نیوز کے خلاف انتقامی کارروائیاں جاری ہے اور حکومت کی ڈھٹائی برقرار ہے۔
اے آروائی نیوز براہِ راست دیکھیں live.arynews.tv پر
سندھ ہائی کورٹ کے واضح احکامات کے باوجود اے آر وائی نیوز کی نشریات بند ہونے پر ملک کی صحافتی تنظیمیں سراپا احتجاج ہے۔
صحافتی تنظیمیں حکومت سے انتقامی کارروائیاں بند کرنے اور اےآروائی نیوز کی نشریات فوری بحال کرنے کا مطالبہ کررہی ہے۔
ایس یو جے کی جانب سے صحافیوں کا اے آر وائی نیوز کی بندش کے خلاف احتجاج ✌️✌️
اے آر وائی نیوز کی نشریات کی بندش کے خلاف مسلسل احتجاج جاری ، پیمرا اور وفاقی حکومت سے اے آر وائی نیوز کی نشریات کی بحالی کا پر زور مطالبہ کیا جا رہا ہے ✍️🇵🇰#RestoreARYNews #ARYUnderAttack pic.twitter.com/4JSCdK6ffV
— Lala Asad Pathan (@LalaAsadPathan) August 15, 2022
سیکریٹری جنرل پی ایف یو جے ارشد انصاری نے کہا ہے کہ پیمراکیبل آپریٹرزکو اے آروائی نیوز کی نشریات بند کرنے کیلئے دھمکا رہا ہے، اعلیٰ عدلیہ کا دروازہ بھی کھٹکھٹائیں گے۔
ارشدانصاری کا کہنا تھا کہ اےآروائی نیوز بہت بڑا چینل ہے، لوگ اسے دیکھتے ہیں پسند کرتے ہیں، تمام یونینز اور کلبز اے آر وائی نیوز کے معاملے پر ایک ہیں ، کچھ دن بعد بہت بڑا اقدام کریں گے۔
اسیکریٹری جنرل پی ایف یو جے نے کہا کہ پی پی آزادی اظہاراورآزادی صحافت پرہمیشہ کھڑی رہی ہے، حکومت نے نشریات بحالی کیلئے اقدامات نہیں کئے۔
ان کا کہنا تھا کہ انفارمیشن منسٹری نے پیمرا کو شکنجے میں لے رکھا ہے، اےآروائی کےساتھ4ہزارخاندان وابستہ ہیں۔
