معروف اداکارہ انمول بلوچ کا کہنا ہے کہ ان کا ابھی شادی کا کوئی ارادہ نہیں اور وہ خود کو کم عمر سمجھتی ہیں۔

تفصیلات کے مطابق انمول بلوچ نے اے آر وائی زندگی کے پروگرام زندگی ود ساجد حسن میں شرکت کی اور اپنی زندگی کے رازوں سے پردہ اٹھایا۔

ساجد حسن کے شادی سے متعلق استفسار پر انہوں نے کہا کہ ان کا ابھی شادی کا کوئی ارادہ نہیں، وہ خود کو کم عمر سمجھتی ہیں۔

انمول کا کہنا تھا کہ انہیں شریف، ایماندار اور سمجھ دار شخص چاہیئے۔ ایک اور سوال پر انہوں نے کہا کہ 60 فیصد مرد اچھے ہوتے ہیں۔

کام سے متعلق انمول بلوچ کا کہنا تھا کہ وہ ایک جیسے کردار کر کے اکتا گئی ہیں اور کچھ وقت کے لیے انہوں نے بریک لیا ہے، وہ ایسا کردار ادا کرنا چاہتی ہیں جو انہوں نے پہلے نہیں کیا۔