کراچی : کراچی ایئرپورٹ پر 2 مسافر طیارے لینڈنگ کے دوران ٹکرانے سے بال بال بچ گئے۔
تفصیلات کے مطابق کراچی ایئر پورٹ پر 2 طیارے حادثے سے بال بال بچ گئے، ذرائع نے بتایا کہ ایئر ٹریفک کنٹرولر کی مبینہ غفلت کی وجہ سے حادثہ ہوسکتا تھا۔
ذرائع کا کہنا تھا کہ دونوں طیارے لینڈنگ کیلئے اپروچ پر تھے، ایک فلائٹ مخالف سمت سے لینڈ کر رہی تھی۔
- Advertisement -
ذرائع نے بتایا کہ دونوں کپتانوں نے مہارت کا مظاہرہ کرتے ہوئے طیاروں کو ٹکرانے سے بچایا۔
سول ایوی ایشن اتھارٹی نے واقعے کا نوٹس لے لیا اور تحقیقات شروع کردیں۔
ترجمان سی اے اے کا کہنا ہے کہ تحقیقات کی جارہی ہے، جو بھی ملوث پایا گیا کارروائی ہوگی۔
