اسلام آباد: پاکستان تحریک انصاف کے چیئرمین اور سابق وزیر اعظم عمران خان کا کہنا ہے کہ کراچی کے حلقہ 245 میں ہم جیت کی جانب گامزن ہیں۔
عمران خان نے اپنے ٹوئٹر بیان میں کہا کہ ہمارے کیمپس ووٹرز سے بھرے ہوئے ہیں جبکہ مخالفین کے خیمے خالی ہیں، میری اپنے تمام ووٹرز کو ہدایت ہے کہ اگر آپ نے ابھی تک اپنے ووٹ کا حق استعمال نہیں کیا تو فوراً جائیں اور ووٹ ڈالیں۔
We are on our way to winning Karachi NA 245 election. Our camps are full of voters while opposition camps are empty. I am asking all our voters to go immediately to vote if they haven't already done so.
— Imran Khan (@ImranKhanPTI) August 21, 2022
خیال رہے کہ این اے 245 کے ضمنی الیکشن میں 17 امیدوار مدمقابل ہیں۔ یہ نشست پی ٹی آئی کے رکن قومی اسمبلی ڈاکٹر عامر لیاقت حسین کے انتقال پر خالی ہوئی تھی۔
پی ٹی آئی کی جانب سے محمود مولوی، ٹی ایل پی کے محمد احمد رضا، ایم کیو ایم کے معید انور اور پی ایس پی کے سئد حفیظ الدین امیدوار ہیں۔ پی پی اور جے یو آئی (ف) کے امیدوار ایم کیو ایم کے امیدوار کے حق میں دستبردار ہو چکے ہیں۔
