لاہور: انٹرنیشنل فیڈریشن آف ریڈ کراس نےسیلاب زدگان کیلئے بڑی امداد کا اعلان کردیا۔
تفصیلات کے مطابق دنیا بھر سے سیلاب زدگان کی بحالی کے لیے امداد آنے کا سلسلہ برقرار ہے۔ عالمی مالیاتی اداروں اور تنظیموں کی جانب سے تعاون کے اعلان کے بعد آئی ایف آر سی نے5 ارب 72کروڑ کی امدادی رقم کا اعلان کیا ہے۔
آئی ایف آرسی نےفوری طور پر سیلاب زدگان کیلئے20کروڑ روپے امداد دیدی ہے۔آئی ایف آر سی کی امداد کے اعلان پر چیئرمین ہلال احمرپاکستان ابرارالحق نے شکریہ ادا کیا ہے۔ سیلاب زدگان کےلیے اعلان کردہ بقیہ رقم جلدمنتقل ہوجائےگی۔
- Advertisement -
دوسری جانب یواےای سے امدادی سامان لےکر پہلا جہاز راولپنڈی پہنچ گیا ہے۔ امدادی سامان میں خیمے، خوراک، دوائیں اور دیگر ضروری اشیا شامل ہیں۔
یواےای سے چند دن میں امدادی سامان لےکرمزید15طیارےپاکستان پہنچیں گے۔
