سانگھڑ: سندھ میں سیلاب متاثرین کی تضحیک کی ایک اور ویڈیو منظر عام پر آگئی۔
اے آر وائی نیوز کے مطابق پیپلزپارٹی (پی پی) رکن قومی اسمبلی امیرعلی شاہ جیلانی کی منرل واٹر سے پاؤں دھونے کی فوٹیج سوشل میڈیا پر وائرل ہوئی ہے۔
امیرعلی شاہ جیلانی ضلع سانگھڑ کےشہرکھپرو میں سیلاب زدگان کی مدد کیلئےپہنچےتھے جہاں انہوں نے نہات تکبرانہ طرز عمل اختیار کیا۔
رکن قومی اسمبلی نے ایسے علاقے جہاں کی عوام سیلاب کے باعث پینے کے صاف پانی کو ترس رہے تھے وہاں وہ چارپائی پر بیٹھے منرل واٹر سے ہاتھ پاؤں دھوتے دکھائی دیے۔
فوٹیج میں واضح طور پر ایم این اے امیرعلی شاہ کومنرل واٹرسے پاؤں دھوتے دیکھا جاسکتا ہے۔
And this. Disgusting. Using mineral water to wash feet pic.twitter.com/fc8La9585G
— Ali Atif Saeed (@aliatifsaeed) August 29, 2022
سوشل میڈیا پر فوٹیج وائرل ہونے پر سماجی حلقوں کی جانب سے امیرعلی شاہ جیلانی پرسخت تنقید کی جارہی ہے۔
واضح رہے کہ گزشتہ دنوں پیپلزپارٹی کے شریک چیئرمین آصف علی زرداری کی بہن فریال تالپور کے شوہر کی سیلاب متاثرین میں 50 روپے تقسیم کرنے کی ویڈیو سوشل میڈیا پر وائرل ہوگئی تھی.
