پاکستان کے وکٹ کیپر بلے باز محمد رضوان نے کہا ہے کہ جو پچھلے میچ میں پانڈیا نے کیا وہی میں نے کیا۔
ایشیا کپ کے سپرفور مرحلے میں بھارت کے خلاف 71 رنز کی قیمتی اننگز کھیلنے والے محمد رضوان نے کہا کہ جیسے پانڈیا نے کوشش کی تھی کہ ایک اوور میں زیادہ رنز بنائیں اور آخر تک میچ لے جائیں ایسے کوشش کی کہ ایک اوور کو ٹارگٹ کر کے زیادہ سے زیادہ اسکور بنائیں۔
انہوں نے کہا کہ پلان یہی تھا کہ آخر تک میچ کو لے جائیں کیوں کہ ہمیں بیٹنگ اسٹرنتھ معلوم ہے ہماری بیٹنگ لائن میں بہت گہرائی ہے اندازہ تھا کہ آخری اوورز میں 40 سے 45 رنز بنا سکتے ہیں۔
7️⃣1️⃣ off 5️⃣1️⃣ balls 🌟
A stellar contribution from @iMRizwanPak 👏#AsiaCup2022 | #INDvPAK pic.twitter.com/sT7S2vPztH
— Pakistan Cricket (@TheRealPCB) September 4, 2022
محمد رضوان نے کہا کہ جب کپتان کے ساتھ میدان میں اترتا ہوں تو یہ پلان کرتے ہیں نئی گیند سے زیادہ سے زیادہ رنز بنائے جہاں بولرز غلطیاں کریں اس کا بھرپور فائدہ اٹھائیں۔
ان کا کہنا تھا کہ پاک بھارت میچ ہمیشہ سے ایک فائنل کی حیثیت رکھتا ہے سب جانتے ہیں کہ اتنا بڑا میچ ہوتا ہے یہ پوری دنیا میں دیکھا جاتا ہے اس لیے کوشش ہوتی ہے کہ پوری قوت سے کھیلیں۔
