پاکستان تحریک انصاف کے رہنما اور سابق وفاقی وزیر علی زیدی نے سماجی رابطوں کی ویب سائٹ ٹوئٹر پر ایک سوال کیا ہے اور اسے معصومانہ سوال کہا ہے۔
علی زیدی نے اپنی ٹوئٹ میں کہا ہے کہ عمران خان کے دور حکومت میں کچھ جماعتیں فرانسیسی سفیر کو باہر نکالنے کا مطالبہ کر رہی تھیں۔
سابق وفاقی وزیر نے سوال کیا کہ ٹی ایل پی، جے یو آئی جماعت اسلامی اب سب اتنی خاموش؟ بی ٹیمیں؟
ایک معصومانہ سوال:@ImranKhanPTI کے دورِ حکومت میں، کچھ مذہبی جماعتیں فرانسیسی سفیر کو ملک سے باہر نکالنے کا مطالبہ کر رہی تھیں۔#TLP #JUI A to Z #JamateIlsami
سب اتنی خاموش؟ بی ٹیمیں؟ pic.twitter.com/9L5PVHdz7g— Ali Haider Zaidi (@AliHZaidiPTI) September 21, 2022
واضح رہے کہ وزیراعظم شہباز شریف نے گزشتہ ماہ فرانس سمیت دیگر ممالک میں نئے سفرا کی تعیناتیوں کی منظوری دی تھی، یہ منظوری وزیر خارجہ بلاول بھٹو زرداری کی جانب سے سفارشات پر دی گئی تھی۔
یہ بھی پڑھیں: بیرون ملک نئے سفیروں کی تعیناتی کی منظوری
جن سفرا کی تعیناتی کی منظوری دی گئی تھی ان میں فیصل نیاز ترمذی کو متحدہ عرب امارات، رضا بشیر تارڑ جاپان، عاصم افتخار احمد فرانس میں اور عائشہ فاروقی کو آئر لینڈ میں سفیر تعیناتی شامل تھی۔
