کراچی :وفاقی رہائشی کالونی ایف سی ایریا میں بیوہ خاتون کے ساتھ انتہائی نامناسب لہجہ اور غیراخلاقی الفاظ استعمال کرنے پر وفاقی حکومت نے سخت ایکشن لے لیا۔
اسٹیٹ آفس کراچی کے ڈائریکٹر آغا ایوب جان کو ان کے عہدے سے ہٹادیا گیا، سیکریٹری ہاؤسنگ نے معاملے کی انکوائری کرنے کا حکم دے دیا
ایوب جان نے سرکاری فلیٹ خالی کرانے کے دوران بیوہ خاتون سے کہا تھا کہ بیوہ ہو تو شادی کرلو، ویڈیو وائرل ہونے پروفاقی حکومت اورسیکریٹری وزارت ہاؤسنگ نے معاملے کا نوٹس لیا تھا۔
سیکریٹری ہاؤسنگ افتخار شہوانی نے اے آر وائی پر چلنے والی خبر کا نوٹس لے لیا، وفاقی سیکریٹری ہاؤسنگ کی ہدایت پر ڈائریکٹر اسٹیٹ کراچی محمد ایوب جان کو معطل کرنے کا نوٹیفیکشن جاری کرتے ہوئے محمد ایوب جان کو وزارت ہاؤسنگ میں رپورٹ کرنے کی ہدایت ک یگئی ہے۔
بیوہ ہو تو شادی کر لو، اسٹیٹ آفس کراچی کے ڈائریکٹر کی بیوہ خاتون سے بد سلوکی
واضح رہے کہ اسٹیٹ آفس کراچی کے ڈائریکٹر محمد ایوب ایف سی ایریا میں فلیٹ خالی کرانے پہنچے تو بیوہ خاتون نے سرکاری افسر کے آگے ہاتھ جوڑ لیے۔خاتون سرکاری افسر کے سامنے التجا کی میں بیوہ ہوں ، میرا سامان مت پھینکیں۔
جس پر ڈائریکٹر محمد ایوب جان نے انتہائی ناروا رویہ اپناتے ہوئے خاتون سے انتہائی غیر مناسب الفاظ کا استعمال کیا اور کہا کہ بیوہ ہو تو شادی کرلو، گھر بنالو۔
بیوہ خاتون التجا کرتی رہیں مجھے گھر تلاش کرنے کا وقت دیں میرے سامان کو مت پھینکیں مگر ڈائریکٹر محمد ایوب نے ایک نہ سنی اور اپنے عملے کو فوری گھر خالی کرنے کا حکم دیا۔
