خواجہ سراؤں کے تحفظ کے حوالے سے ترمیمی بل 2022 سینیٹ میں پیش کر دیا گیا۔
تفصیلات کے مطابق سینیٹ میں بل پی ٹی آئی کی سینیٹر فوزیہ ارشد نے پیش کیا۔ چیئرمین سینیٹ نے مذکورہ بل متعلقہ قائمہ کمیٹی کے سپرد کر دیا۔
ایوان میں اظہارخیال کرتے ہوئے سینیٹر محسن عزیز نے کہا کہ ٹرانس جینڈر اور جنس تبدیل کرانا دو علیحدہ معاملات ہیں اللہ سے معافی مانگتا ہوں جب یہ بل پاس ہوا تو میں ایوان میں تھا۔
- Advertisement -
سینیٹر اعظم نذیر تارڑ نے کہا کہ ہمیں تمام باتیں شریعت میں رہ کر کرنی چاہئیں اس کی تین شقوں پر بحث جاری ہے حکومت کوئی ایسا کام نہیں کرے گی جو اسلام کے منافی ہو۔
انہوں نے کہا کہ بل کا مقصد خواجہ سراؤں کے حقوق کا خیال رکھنا ہے سب سے استدعا ہے اس بل پر سیاست نہ کریں بلکہ رہنمائی کریں اس بل کے حوالے سے سب کی نیتیں صاف ہیں۔
