موسلادھار بارشوں کے موسم میں اکثر چمکنے والی بجلی ایک جانب تو خطرناک تصورکی جاتی ہے لیکن رات کے اوقات میں کڑکنے والی بجلی خوبصورت منظر بھی پیش کرتی ہے۔
کچھ ایسا ہی اسپین کے ایک جزیرے میں ہوا جہاں آسمانی بجلی کی چمک نے پورے جزیرے کو روشنیوں سے بھر دیا اور دیکھنے والوں نے اس منظر کو اپنے کیمروں میں قید کرلیا۔
غیرملکی خبر رساں ادارے کی رپورٹ کے مطابق گزشتہ روز اسپین کے جزیرے مینورکا میں آنے والے شدید طوفان نے ایک طرف تو جل تھل ایک کردیا۔
دوسری جانب رات گئے موسلا دھار بارش اور طوفان کے دوران آسمان پر اوپر تلے ہونے والی بجلی کی گرج چمک سے پورا جزیرہ روشنی سے چمک اٹھا۔
واضح رہے کہ ایک عام آسمانی بجلی کی چمک تقریباً 300 ملین وولٹ اور 30,000 ایمپئر ہوتی ہے جو کہ اپنی زد میں آنے والی کسی بھی جاندار شے کو ہلاک کرنے کے لیے کافی ہوتی ہے۔
مزید پڑھیں : درختوں پر آسمانی بجلی کیسے اور کیوں گرتی ہے؟ ویڈیو دیکھیں
محققین کے مطابق زمین پر گرنے والی آسمانی بجلی اپنے ارد گرد کی ہوا کو سورج کی سطح کے درجۂ حرارت سے پانچ گنا زیادہ گرم کرسکتی ہے۔
