اشتہار

فِن لینڈ کی مرکزی شاہراہ سے جنگی طیارے اڑان بھرتے رہے

اشتہار

حیرت انگیز

جوسٹا: فِن لینڈ میں مرکزی شاہراہ کو جنگی طیاروں کی مشقوں کے لیے 5 دن کے لیے بند کر دیا گیا ہے۔

روئیٹرز کے مطابق فن لینڈ میں فائٹر جیٹ ڈرل کے لیے ہائی وے کو بند کر دیا گیا ہے، مشقوں کے دوران جنگی طیارے سڑک سے اڑان بھرتے رہے، جنھیں دیکھنے کے لیے شہری جمع ہو گئے تھے۔

کئی دہائیوں میں یہ پہلی بار ہے جب فن لینڈ میں فائٹر جیٹ ڈرل کے لیے اہم ہائی وے کے ایک سیکشن کو بند کیا گیا ہے۔

- Advertisement -

یوکرین پر روسی حملے کے بعد فن لینڈ بھی نیٹو کی رکنیت کا خواہاں ہے، جہاں ملک بھر میں جنگ کے وقت استعمال کے لیے بنائے گئے ایک درجن تک ریزرو رن ویز ہیں۔

تاہم، فن لینڈ کے شہر جوتسا میں واقع ریزرو روڈ بَیس کو کئی دہائیوں سے استعمال نہیں کیا جا رہا تھا، کیوں کہ یہ دارالحکومت ہیلسنکی کو ملک کے شمالی حصوں سے ملانے والی اہم مرکزی شاہراہ ہے۔

فن لینڈ اپنے فضائی بیڑے کی حفاظت کے لیے، اپنے تمام طیاروں کو تیز رفتاری کے ساتھ پورے ملک میں منتشر کر سکتا ہے، یہی وجہ ہے کہ وہ ہر سال سڑکوں پر مشق کرتا ہے۔ فن لینڈ حکام کا کہنا ہے کہ روس کی طرف سے خطرہ یا روس کی طرف سے کروز اور بیلسٹک میزائلوں (یوکرین میں) کے اقدامات سے ثابت ہوتا ہے کہ منتشر کارروائیوں کا تصور درست ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں