وزارت داخلہ نے 16 اکتوبر کو ہونے والے ضمنی انتخابات 90 روز کیلئےملتوی کرنےکی درخواست کر دی۔
اس حوالے سے وزارت داخلہ نے الیکشن کمیشن کو خط ہے جس کے مطابق پاک فوج اور ایف سی وسیع پیمانے پر ریسکیو اور ریلیف آپریشن میں مصروف ہے، وفاق اور صوبے وسائل بحالی کےکاموں میں لگےہیں۔
وزارت داخلہ کا کہنا ہے کہ اطلاعات ہیں سیاسی جماعت 12 سے17 اکتوبر کے دوران اسلام آباد کا محاصرہ کرنا چاہتی ہے محاصرہ کی یہ تاریخیں 16 اکتوبر ضمنی انتخابات سے مطابقت رکھتی ہیں۔
خط کے مطابق اسلام آباد میں امن و امان کی صورتحال برقرار رکھنے کیلئے نفری درکار ہو گی ایسی صورتحال میں آرمی، رینجرز، ایف سی پرشدید دباؤ ہو گا ان اداروں سےاضافی کام لیاگیاتوالیکشن کی ساکھ پرسوال اٹھ سکتے ہیں۔
وزارت داخلہ کا کہنا ہے کہ ای سی کو الیکشن شیڈول میں تبدیلی کرنےکا اختیار حاصل ہے درخواست ہے ضمنی انتخابات90 دن کیلئے ملتوی کیےجائیں۔
