کراچی: صوبہ سندھ کے دارالحکومت کراچی کے علاقے عبد اللہ شاہ غازی گوٹھ میں سینکڑوں رہائشی سڑک پر آگئے، مکینوں نے تجاوزات کے خلاف متوقع آپریشن کے پیش نظر احتجاج شروع کردیا۔
تفصیلات کے مطابق کراچی کے علاقے عبد اللہ شاہ غازی گوٹھ میں تجاوزات کے خلاف متوقع آپریشن سے قبل سینکڑوں رہائشی سڑک پر آگئے۔
خواتین کی بڑی تعداد بھی احتجاج میں شریک ہے، مظاہرین نے سڑک پر مختلف مقامات پر ٹائر رکھ کر سڑک بند کردی۔
- Advertisement -
ایک ماہ قبل بھی غازی گوٹھ میں آپریشن کے دوران پولیس اہلکار زخمی ہوئے تھے، وزیر اعلیٰ سندھ کے نوٹس پر ضلعی انتظامیہ کے نمائندوں کو معطل کردیا گیا تھا۔
ڈی ایس پی، ایس ایچ او اور ایس ایچ او اینٹی انکروچمنٹ کو بھی معطل کیا گیا تھا۔
