بھارتی کرکٹ بورڈ کی جانب سے ایشیا کپ 2023 میں پاکستان آنے سے انکار پر چیئر میں پی سی بی رمیز راجا کا ردِ عمل آگیا ہے۔
سماجی رابطے کی ویب سائٹ ٹوئٹر پر چیئرمین پی سی بی رمیز راجا کی ایک ویڈیو گردش کررہی ہے۔
ورچوئل گفتگو کی اس ویڈیو میں ان سے صحافی نے بھارت کی جانب سے پاکستان آنے پر انکار سے متعلق سوال پوچھا۔
صحافی نے رمیز راچا سے سوال کیا کہ کیا 2023 کا ایشیا کپ صرف بھارت کی وجہ سے یو اے ای منتقل ہوجائے گا؟
When the Chairman PCB Ramiz Raja was asked that if the Indian team does not come to Pakistan to play the Asia Cup, will Pakistan be ready to play at a neutral venue?
Watch @iramizraja's reply 👇
Now: India refuse to travel to Pakistan for #AsiaCup
Video Courtesy : @badizaman007 pic.twitter.com/Hc9xA61zTy— Ghulam Abbas Shah (@ghulamabbasshah) October 19, 2022
جس پر چیئر مین پی سی بی رمیز راجا کا کہنا تھا کہ ایشیا کپ کسی صورت یو اے ای منتقل نہیں کیا جائے گا۔
ان کا کہنا تھا کہ ’’آپ ہمت تو پکڑیں، اتنے منفی کیوں ہیں آپ بھائی، سب کچھ انڈیا نہیں ہے ہم بھی کچھ ہیں‘‘۔
واضح رہے کہ گزشتہ روز بھارتی کرکٹ بورڈ کے سیکرٹری جے شا (جو اے سی سی کے صدر بھی ہیں) نے گزشتہ روز اپنے بیان میں خود ساختہ فیصلہ سناتے ہوئے ایشیا کپ نیو ٹرل وینیو پر کھیلنے کا بیان دیا تھا۔
خیال رہے کہ پاکستان نے ون ڈے فارمیٹ کے ایشیا کپ کی میزبانی اگلے برس ستمبر میں کرنی ہے۔
