کوئی بھی ایسا کام جو دیکھنے میں بہت زیادہ لگتا ہو اور اسے کم سے کم وقت میں پورا کرنا ہو تو انسان اپنی سہولت کیلئے اپنی مہارت کا استعمال کرتے ہوئے آسان بنا ہی لیتا ہے۔
ایسے کسی بھی کام کو عام الفاظ میں ’جگاڑ‘ کہا جاتاہے،’جگاڑ‘اردو اور پنجابی کا مشترکہ لفظ ہے جس کا مطلب کسی مشکل کام کو کرنے کا آسان طریقہ نکالنا ہے۔ اس طریقہ میں پہلے سے موجود ذرائع کو استعمال کرنا یا معمولی ذرائع کا استعمال بھی کافی ہوتا ہے۔
انٹر نیٹ پر آئے روز ایسی ویڈیوز وائرل ہوتی ہیں جنہیں دیکھ کر صارفین خوشگوار حیرت میں مبتلا ہوجاتے ہیں، آج کل ایک ایسی ہی ویڈیو سوشل میڈیا پر وائرل ہورہی ہے۔
Power of Arnold, brain of Einstein pic.twitter.com/3W0dL3c1Dt
— Sagar (@sagarcasm) October 18, 2022
ویڈیو میں کچھ محنت کشوں کو ٹماٹر کے کھیت میں فصل توڑتے ہوئے دکھایا گیا ہے جس میں وہ فصل کی کٹائی کے ساتھ ساتھ مال کو ٹرک میں لوڈ کرنے کا کام بھی کررہے ہیں۔
ان ہی مزدوروں میں ایک مزدور ٹماٹروں سے بھری ٹوکریوں کو اس حیرت انگیز طریقے سے باری باری ٹرک کی طرف اچھالتا ہے کہ ٹوکری میں موجود سارے ٹماٹر ٹرک کے اندر گرتے ہیں جبکہ خالی ٹوکریاں ٹرک سے باہر گرتی ہیں۔
ویڈیو دیکھنے والے صارفین اس مزدور کی مہارت اور زیادہ کام کو کم سے کم وقت میں کرنے کے بہترین انداز سے بھی لطف اندوز ہو رہے ہیں کہ اس دوران ایک بھی ٹماٹر ٹرک سے باہر نہیں گرتا۔
اس ویڈیو کو سوشل میڈیا پر ایک کروڑ سے زائد صارفین نے دیکھا اور اپنی خوشگوار حیرت کا اظہار کرتے ہوئے مزدور کی مہارت کی بھی تعریف کررہے ہیں۔
