اسلام آباد: وزیر اعظم شہباز شریف کا کہنا ہے کہ چیئرمین پاکستان تحریک انصاف عمران خان مرحوم سینئر صحافی ارشد شریف کی وفات پر سیاست کر رہا ہے۔
وزیر اعظم شہباز شریف نے اپنے ٹوئٹر ہینڈل سے جاری بیان میں کہا کہ عمران نیازی خطرناک کھیل کھیل رہا ہے، وہ ارشد شریف کی وفات پر سیاست کر رہا ہے۔
شہباز شریف نے کہا کہ عمران نیازی ریاستی اداروں کی ساکھ پر حملے کر رہا ہے، وہ بے بنیاد الزامات لگانے کے بجائے صبر سے کام لے اور جوڈیشل کمیشن کے نتائج کا انتظار کرے۔
Imran Niazi is playing a dangerous game. He is using tragic killing of Arshad Sharif for petty politics & going to the extent of casting aspersions on state institutions. He should be patient & wait for findings of Judicial Commission instead of resorting to baseless allegations.
— Shehbaz Sharif (@CMShehbaz) October 26, 2022
گزشتہ روز پشاور میں وکلا کنونشن سے خطاب میں عمران خان نے بتایا تھا کہ میں نے ارشد شریف سے کہا تھا ملک سے باہر چلے جاؤ، خبر ملی تھی کہ ارشد شریف کو مارنے لگے ہیں، ارشد شریف کے گھر کے باہر گاڑیاں کھڑی ہوتی تھیں۔
عمران خان کا کہنا تھا کہ لوگ جو مرضی کہیں، مجھے پتا ہے کہ ارشد شریف کی ٹارگٹ کلنگ ہوئی ہے، مرحوم کی ضمیر کی کوئی قیمت نہ تھا اسی وجہ سے کوئی اسے خرید نہ سکا، ارشد شریف نے جان دے دی لیکن کسی کے سامنے نہیں جھکا۔