ٹی 20 ورلڈ کپ سپر 12 مرحلے کے میچ میں زمبابوے کے ہاتھوں اپ سیٹ شکست پر سابق کوچ مکی آرتھر کا بیان آگیا۔
ٹی ٹوئنٹی ورلڈکپ میں گروپ ٹو کے میچ میں گزشتہ روز زمبابوے نے پاکستان کو سنسنی خیز مقابلے کے بعد ایک رن سے شکست دی تھی۔
زمبابوے کی جانب سے دیے گئے 131 رنز کے ہدف کے تعاقب میں پاکستان ٹیم مقررہ اوورز میں 8 وکٹوں پر 129 رنز بناسکی تھی۔
شاداب خان نے میچ میں شاندار بولنگ کرتے ہوئے تین کھلاڑیوں کو پویلین کی رہ دکھائی تھی۔
قومی ٹیم کی شکست کے بعد جہاں کرکٹ شائقین افسردہ ہیں وہیں اور سابق کرکٹرز کی جانب سے بھی قومی ٹیم کی کارکردگی پر تنقید کی جارہی ہے۔
سماجی رابطے کی ویب سائٹ ٹویٹر پر سابق کوچ مکی آرتھر نے پاکستان کے خلاف کامیابی پر زمبابوین کرکٹ ٹیم کی تعریف کی۔
انہوں نے لکھا کہ یہ ورلڈ کپ ڈلیور کرتا ہے زمبابوین ٹیم کو مبارک باد پیش کرتا ہوں انہوں نے مجھے غلط ثابت کردیا ہے۔‘
مکی آرتھر نے مزید لکھا کہ ’پاکستان اب وقت آگیا ہے کہ کھیلنا شروع کردیا جائے۔‘
This World Cup keeps delivering,I have to eat humble pie as I gave @ZimCricketv no chance at the halfway stage but you proved me wrong…Congrats!
Come on Pakistan time to start playing now!!#T20WorldCup— Mickey Arthur (@Mickeyarthurcr1) October 28, 2022
قومی ٹیم اپنا گلا میچ 30 اکتوبر کو نیدرلینڈز کے خلاف کھیلے گی جبکہ گرین شرٹس کی ٹی 20 ورلڈ کپ سیمی فائنل میں رسائی مشکل ہوگئی ہے۔
