عمران خان کی زیرقیادت لانگ مارچ اسلام آباد پہنچنے سے قبل پولیس کی جانب سے پی ٹی آئی عہدیدارن کی گرفتاری کے لیے چھاپے مارے جارہے ہیں۔
ذرائع کے مطابق اسلام آباد پولیس نے ٹی آئی کے مقامی عہدیداروں کے گھروں پر چھاپے مارے ہیں۔ پولیس کو لانگ
مارچ کےلئے فنڈز اکٹھےکرنے یا دینے والوں کی تلاش ہے۔
ذرائع کا کہنا ہے کہ چھاپے راجہ خرم نواز اور راجہ ذوالقرنین کے ڈیروں پر مارے گئے۔ پولیس کو 23مقامی عہداروں کی تلاش ہےجن کی لسٹ سامنےآئی ہے۔
- Advertisement -
چھاپوں کی اطلاع سےقبل ہی مقامی عہدایدار نامعلوم مقامات پر منتقل ہو گئے ہیں۔ پولیس کی لسٹ میں سرگرم کارکنوں کا ذکر کیا گیا ہے۔
لسٹ میں راجہ قیصرنیاز اللہ نیازی،جمیل عباسی، زوہیب خان، راجہ محمد بابر، نثار اور دیگر کا نام شامل ہے۔ پولیس مطلوبہ افراد کے حوالے سے معلومات اکٹھی کر رہی ہے۔
