ایم کیو ایم رہنماؤں نے رات گئے گورنر ہاؤس میں گورنر سندھ کامران ٹیسوری سے ملاقات کی اور رابطہ کمیٹی کے دو تہائی اراکین نے ان پر بھرپور اعتماد کا اظہار کیا۔
اے آر وائی نیوز کے مطابق ایم کیو ایم رہنماؤں نے رات گئے گورنر سندھ کامران ٹیسوری سے گورنر ہاؤس پہنچ کر ملاقات کی، اس موقع پر خالد مقبول، وسیم اختر، خواجہ اظہار، امین الحق سمیت رابطہ کمیٹی اراکین موجود تھے، دو تہائی سے زائد اراکین رابطہ کمیٹی نے گورنر پر بھرپور اعتماد کا اظہار کیا۔
ذرائع نے بتایا کہ ملاقات کے دوران سیاسی صورتحال، شہری مسائل اور انکےحل سمیت دیگرامور پر تبادلہ خیال کیا گیا اور کنوینر ڈاکٹر خالد مقبول صدیقی نے کہا کہ پوری پارٹی گورنر سندھ کے شانہ بشانہ کھڑی ہے اور مسائل کے حل کے لیے ان سے پوری امید ہے۔
اس موقع پر گورنر کامران ٹیسوری نے اعتماد پر رابطہ کمیٹی کا شکریہ ادا کرتے ہوئے یقین دلایا کہ وہ شہری مسائل کے حل اور وفاق وصوبے کے مابین ہم آہنگی بڑھانے کیلیے اپنا بھرپور کردار ادا کریں گے۔
کامران ٹیسوری نے مزید کہا کہ ایم کیو ایم سے معاہدے پر عملدرآمد، حلقہ بندیوں اور کارکنوں کی واپسی سے متعلق کام جاری ہے۔
