کراچی : شہر قائد کے بازاروں میں جعلی کرنسی پھیلائے جانے کا انکشاف ہوا ہے گلستان جوہر پولیس نے گروہ کے ایک کارندے کو رنگے ہاتھوں گرفتار کرلیا۔

کراچی کے شہری ہوشیار رہیں کہ کہیں کوئی شخص ان کو جعلی نوٹ نہ تھما کر چلاجائے کیونکہ مارکیٹ میں مزید جعلی کرنسی کے نوٹ پھیلائے جانے کا انکشاف ہوا ہے۔

اس سلسلے میں گلستان جوہر پولیس نے ایک جعل ساز ملزم کو گرفتار کرلیا، ملزم اکبر شیر سے جعلی پاکستانی کرنسی نوٹ اور جعلی امریکی ڈالرز برآمد ہوئے۔

پولیس حکام کے مطابق ملزم اکبر شیر سے15لاکھ روپے کی پاکستانی جعلی کرنسی اور جعلی امریکی ڈالر برآمد کیے گئے ہیں۔

پولیس کا کہنا ہے کہ ملزم ملک کے مختلف شہروں میں جعلی کرنسی سے خرید و فروخت کرتا ہے، ملزم اکبر شیر چھوٹی مارکیٹوں میں جعلی کرنسی پھیلاتا تھا۔

جعلی نوٹ کیسے پہچانا جاتا ہے؟ جانیے

واضح رہے کہ اسٹیٹ بینک پاکستان نے جعلی کرنسی کو پکڑنے اور روک تھام کے لیے بہترین اقدامات کیے ہیں۔ جعلی نوٹ پکڑنے کے لیے بینک نے اس بات کو یقینی بنایا ہے کہ لوگ اس بات کو جانیں کہ کس طرح ایک مشتبہ نوٹ پکڑا جاسکتا ہے۔