مسلم لیگ (ن) کے قائد و سابق وزیر اعظم نواز شریف اور مریم نواز نے چیئرمین پاکستان تحریک انصاف عمران خان پر قاتلانہ حملے کی مذمت کی ہے۔
نواز شریف نے ٹوئٹر پر جاری اپنے بیان میں لکھا کہ عمران خان اور ساتھیوں پر فائرنگ کی مذمت کرتا ہوں، زخمیوں کی صحت یابی کے لیے دعا گو ہوں۔
پارٹی کی نائب صدر مریم نواز نے اپنے بیان میں لکھا کہ عمران خان پر فائرنگ کی مذمت کرتی ہوں۔ دعا ہے اللہ تعالیٰ ان سمیت تمام زخمیوں کو صحت دے۔
میں عمران خان اور ان کے ساتھیوں پر فائرنگ کی مذمت کرتا ہوں اور زخمیوں کی صحتیابی کے لئیے دعا گو ہوں۔
— Nawaz Sharif (@NawazSharifMNS) November 3, 2022
عمران خان پر فائرنگ کی مزمت کرتی ہوں اور ان سمیت تمام زخمیوں کی صحت کے لیے اللّہ تعالی سے دعاگو ہوں۔
— Maryam Nawaz Sharif (@MaryamNSharif) November 3, 2022
اس سے قبل وزیر اعظم شہباز شریف نے ٹوئٹ کیا کہ عمران خان پر فائرنگ کے واقعے کی شدید الفاظ میں مذمت کرتا ہوں، میں نے وزیر داخلہ رانا ثنا اللہ سے واقعے کی فوری رپورٹ طلب کرلی ہے۔
وزیر اعظم نے کہا: ’پی ٹی آئی چیئرمین و دیگر زخمیوں کی صحتیابی کے لیے دعاگو ہوں۔ وفاق پنجاب حکومت کو سکیورٹی اور تفتیش کے لیے ہر ممکن تعاون فراہم کرے گا۔ ہماری ملکی سیاست میں تشدد کی کوئی جگہ نہیں ہونی چاہیے۔‘
I condemn the incident of firing on PTI Chairman Imran Khan in the strongest words. I have directed Interior Minister for an immediate report on the incident.
I pray for the recovery and health of PTI chairman & other injured people. 1/2
— Shehbaz Sharif (@CMShehbaz) November 3, 2022
