اسلام آباد : جرمنی نے سابق وزیراعظم عمران خان پر حملے کے بعد آج پاکستان میں جرمن سفارتخانے کا ویزہ سیکشن بند رکھنے کا اعلان کردیا۔
تفصیلات کے مطابق سابق وزیر اعظم عمران خان پر حملے کے معاملے پر جرمنی نے آج پاکستان میں ویزہ سیکشن بند رکھنے کا فیصلہ کرلیا۔
تفصیلات کے مطابق پاکستان میں جرمن سفیر نے سماجی رابطے کی ویب سائٹ ٹوئٹر پر آگاہ کیا کہ پاکستان کے موجودہ حالات کے پیش آج جرمن سفارتخانے میں ویزا سیکشن بند رہے گا۔
In light of the current situation our visa section will remain closed for today.
— Alfred Grannas (@GermanyinPAK) November 4, 2022
اس سے قبل سفیر نے اپنے ٹوئٹر ہینڈل سے عمران خان پر حملے کی مذمت بھی کی۔
Shocked to learn about the attack on @ImranKhanPTI. We condemn violence in every form. Important that the situation remains peaceful. Wishing all injured a swift recovery.
— Alfred Grannas (@GermanyinPAK) November 3, 2022
واضح رہے کہ پاکستان تحریک انصاف کے چیئرمین اور سابق وزیراعظم عمران خان حقیقی آزادی مارچ کی قیادت کرتے ہوئے وزیر آباد پہنچے تھا جہاں ان پر قاتلانہ حملہ کیا گیا، جس کے نتیجے میں عمران خان سمیت 13 افراد زخمی جب کہ ایک کارکن جاں بحق ہوگیا تھا۔
