اسلام آباد پولیس نے پاکستان تحریک انصاف کے لانگ مارچ کو روکنے کے لیے اپنا نرمی کا پلان مؤخر کر دیا۔
ترجمان اسلام آباد پولیس نے ٹوئٹر پر جاری کردہ بیان میں بتایا کہ سندھ پولیس اور ایف سی کی نفری واپس اسلام آباد طلب کی جا رہی ہے، اگلے 2 ہفتوں میں عوام کو ممکنہ درپیش مشکلات پر معذرت خواہ ہیں۔
پولیس نے کہا کہ حالات کے پیشِ نظر عوام کو رکاوٹیں درپیش آ سکتی ہیں، تاحال اسلام آباد کے تمام راستے آمد و رفت کے لیے کھلے ہیں۔
سندھ اورایف سی کی نفری بھی واپس اسلام آبادطلب کی جارہی ہے۔
اگلے دوہفتوں میں عوام کوممکنہ درپیش مشکلات پرمعذرت خواہ ہیں۔
متوقع امن عامہ کے پیش نظرعوام کورکاوٹیں درپیش آسکتی ہیں۔
تاحال اسلام آباد کے تمام راستے آمدورفت کےلیے کھلے ہیں۔⬇️
— Islamabad Police (@ICT_Police) November 6, 2022
اب سے کچھ دیر قبل چیئرمین پی ٹی آئی عمران خان نے اعلان کیا ہے کہ وہ منگل کو وزیر آباد سے لانگ مارچ کا دوبارہ آغاز کرنے جا رہے ہیں۔
پریس کانفرنس میں عمران خان نے کہا کہ جہاں مجھے گولیاں لگیں وہیں سے میرا مارچ دوبارہ شروع ہوگا، ہمارا لانگ مارچ 10 سے 15 دن میں پنڈی پہنچے گا، میں خود پنڈی آؤں گا، پورے پاکستان سے لوگ آئیں گے۔
سابق وزیر اعظم نے کہا کہ 3 دن ہوگئے، پنجاب حکومت ہماری ہے لیکن اس کے باوجود ہم ابھی تک ایف آئی آر نہیں کٹوا پائے، میں کہہ رہا ہوں کہ 3 لوگ ملوث ہیں، مجھے یقین ہے کہ ان 3 لوگوں نے یہ سب کچھ کیا ہے، یہ میرا حق ہے کہ تفتیش ہو جس سے سب پتا چل جائے گا۔