زابل: امارت اسلامیہ افغانستان کے مؤسس ملا عمر کہاں دفن ہیں، طالبان نے 9 سال بعد نشان دہی کر دی۔
تفصیلات کے مطابق 2013 میں انتقال کرنے والے ملا عمر کی قبر افغان صوبے زابل کے ضلع سیوری میں ہے، ترجمان طالبان ذبیح اللہ مجاہد نے ویڈیو جاری کر دی۔
ویڈیو میں طالبان وزیرِ اعظم ملا حسن اخوند اور افغان کابینہ کے اراکین کو قبر پر فاتحہ خوانی کرتے دیکھا جا سکتا ہے۔
افغان عوام کے محسن امیرالمؤمنین ملا محمد عمر مجاہد کی قبر زیارت عام کے لیے منکشف کی گئی ہے، عوام نے بھی قبر پر فاتحہ خوانی کی اور دعا مانگی۔
ژوندی به وي ترعمره ستا یاد لویه رهبره pic.twitter.com/UUo3TZZcgu
— Zabihullah (..ذبـــــیح الله م ) (@Zabehulah_M33) November 6, 2022
ختم قرآن اور دعائیہ تقریب میں وزیر اعظم ملا محمد حسن، وزیر دفاع مولوی محمد یعقوب مجاہد، وزیر داخلہ خلیفہ سراج الدین حقانی اور ملا عمر کے خاندان کے افراد نے شرکت کی۔
