کراچی : پی ٹی آئی رہنما سبحان علی ساحل کے خلاف اشتعال انگیز تقریر کا مقدمہ درج کرلیا گیا۔
تفصیلات کے مطابق کراچی پولیس پی ٹی آئی رہنما سبحان علی ساحل کے خلاف اشتعال انگیز تقریر کا مقدمہ درج کرلیا۔
پولیس نے بتایا کہ سبحان علی ساحل کیخلاف پریڈی تھانے میں مقدمہ درج کیا گیا ہے۔
گذشتہ رات کراچی پولیس نے اشتعال انگیزتقریر کے الزام میں پی ٹی آئی رہنما سبحان علی ساحل کو گرفتار کیا تھا ، سبحان علی ساحل کو گلشن اقبال سے گرفتارکیا گیا۔
بعد ازاں پی ٹی آئی رہنما فہیم خان، گوہر خٹک اوردیگر پریڈی تھانے پہنچ گئے۔
فہیم خان نے کہا کہ سبحان علی ساحل کو ایسے گرفتار کیاگیا جیسے کوئی بھارتی دہشت گرد ہو، سبحان علی ساحل کی ضمانت کیلئےصبح عدالت سے رجوع کریں گے۔
رہنما پی ٹی آئی کا کہنا تھا کہ مقدمے کی کاپی دینے کےبجائے ڈی ایس پی آئیں بائیں شائیں کرکے بھاگ گئے، سبحان ساحل کو کہاں رکھا ہے پولیس کچھ نہیں بتارہی۔
پی ٹی آئی رہنما راجہ اظہر پریڈی تھانے نے سبحان ساحل کےبیٹےکی درخواست لینے سے انکارکردیا، عزیز بھٹی تھانے میں سبحان ساحل کےاغواکی درخواست جمع کرائیں گے۔
