جیسی کرنی ویسی بھرنی، آپ نے یہ محاورہ تو سن رکھا ہوگا، اور کبھی کبھی اسے استعمال بھی کرتے ہوں گے، لیکن ایک ویڈیو سامنے آئی ہے جو اس محاورے کی بہترین عملی تفسیر بن گئی ہے۔
انٹرنیٹ پر ایک ویڈیو وائرل ہوئی، جس میں لوگوں نے دیکھا کہ ایک موٹر سائیکل پر رائیڈر کے ساتھ پیچھے ایک خاتون بیٹھی ہوئی ہیں، پاس ہی ایک اور موٹر سائیکل جا رہی ہے جسے ایک خاتون چلا رہی ہیں۔
ویڈیو کے مطابق اچانک خاتون نے دوسری موٹر سائیکل والی خاتون کو لات مار دی، یا تو وہ انھیں گرانا چاہ رہی تھیں یا ایسے ہی تنگ کرنے کے لیے لات ماری تھی، تاہم اس عمل کا نتیجہ بہت بھیانک نکل آیا۔
موٹر سائیکل پر بیٹھی خاتون دوسرے سوار کو لات مارنے کی کوشش میں توازن بری طرح بگڑنے پر موٹر سائیکل سے سڑک پر گر گئیں۔
Instant Karma: Woman falls off the bike after trying to kick another rider#InstantKarma #Karma #viral #trending #video pic.twitter.com/W4Q4tCmUIk
— PieBuzz (@piebuzzinc) November 8, 2022
انٹرنیٹ پر جب یہ ویڈیو سامنے آئی تو بہت تیزی سے وائرل ہو گئی، کئی صارفین نے اسے ’فوری کرما‘ قرار دیا، یعنی مکافات عمل، تاہم اس طرح کے فوری کرما کے واقعات عموماً کم ہی دکھائی دیتے ہیں۔
ایک صارف نے لکھا کہ خاتون کو اپنے کیے کا پھل مل گیا، ایک اور صارف نے لکھا کہ خاتون کو وہ مل گیا جس کی وہ حق دار تھی۔
